Tillerson: SHBA-të të gatshme të bisedojnë me Korenë Veriore

23:04 | 12 Dhjetor 2017
Trina Galanxhi

Sekretari amerikan i Shtetit, Rex Tillerson, ka deklaruar se Shtetet e Bashkuara janë të gatshme të flasin me Korenë Veriore, por Pheniani duhet të vijë në tryezën e bisedimeve dhe duhet të jetë i gatshëm të ndryshojë kursin e programit bërthamor.

Gjatë një fjalimi në Uashington, Tillerson tha se gatishmëria ushtarake e SHBA-ve për t’iu përgjigjur çdo kërcënimi të Koresë së Veriut është e fortë dhe se forcat e armatosura janë urdhëruar që të qëndrojnë në dispozicion, shkruajnë mediat amerikane, transmeton portali arbresh.info

Tillerson ka shtuar se SHBA-të janë të gatshme të flasin me Korenë Veriore. Ai ka shprehur dëshirën për të përdorur kanalet e komunikimit me Phenianin, por Presidenti Donald Trump, kohë më parë i kishte thënë atij se “kjo është humbje kohe”./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm